Një shqiptar i identifikuar si Armiol Rrasa, 39 vjeç, nga fshati Gradishtë i Divjakës, është kapur këtë të premte në Athinë duke udhëtuar me një automjet ku u gjetën një armë zjarri, pistolete TT, dhe një sasi tritoli me dy ndezës. Rrasa është një person me precedentë penalë, i njohur për aktivitetin e tij kriminal si në Shqipëri, ashtu edhe në Greqi.

Në vitin 2008, ai ishte dënuar me burgim të përjetshëm në Greqi për veprimtari të lidhura me narkotikët, por u lirua në vitin 2015. Së bashku me të është arrestuar edhe partnerja e tij, 33-vjeçarja shqiptare Daniela Luari. Policia greke po vazhdon hetimet për të zbuluar më shumë detaje rreth veprimtarisë së çiftit shqiptar.

Mediat helene kanë zbardhur detaje të reja nga ngjarja e sotme e ndodhur në Athinë, ku një çift shqiptarësh janë arrestuar, pasi në makinën e marrë prej tyre me qira u gjetën armë dhe eksploziv.

“Protothema” shkruan se 39-vjeçari shqiptar ishte dënuar me burgim të përjetshëm në vitin 2008-të pas akuzave për trafik droge, por u lirua nga burgu pas 7 vitesh.

Kujtojmë që arrestimi i çiftit shqiptar ndodhi gjatë një kontrolli rastësor të policisë në Athinë.

Gjatë kontrollit u gjet e fshehur në një çantë blu një pako me lëndë plasëse, detonatorë dhe një pistoletë tip Tokarev.

Dy të arrestuarit u dërguan në Drejtorinë e Policisë për pyetje të mëtejshme, ndërsa autoritetet po hetojnë për origjinën dhe destinacionin e armëve.