Kastrioti ka arritur të sigurojë zyrtarisht qëndrimin në Kategorinë Superiore për sezonin e ardhshëm.

Krutanët kanë mposhtur në ndeshjen “Play-Out”, Tomorin me rezultatin 2-1, duke shpëtuar kështu sezonin.

Xhuljo Mehmeti dhe Ermir Rezi shënuan golat për çdo pjesë duke i dhënë triumfin Kastriotit, kurse Tomori realizoi golin e nderit në minutën e 95-të me Qaton..

Tomori nga ana tjetër kishte rastet e saj për shënim, ku vlen të theksohet si i minutës së 43-të, kur Canka u ndal te tranversa, ndërsa në të njëjtin aksion, Rezi zhbllokoi sfidën.

Beratasit ngushtuan shifrat në minutën e 93-të, duke shënuar me Qaton , por që vlejti vetëm për statistikë, pasi nuk ndryshoi asgjë. Tomori sezonin tjetër do luajë në Kategorinë e Parë.

Me mbijetesën e Kastriotit, Superliga vitin tjetër do të ketë 5 skuadra nga Shqipëria e Mesme (Tirana, Partizani, Dinamo, Egnatia dhe Teuta), 4 nga Veriu (Vllaznia, Kukësi, Laçi dhe Kastrioti) dhe vetëm 1 nga Jugu (Skënderbeu).