Katër persona kanë rënë në pranga këtë të martë në Devoll, si rezultat i një operacioni policor të koduar “Dealer”. Administratori i një lokali, një 52-vjeçar nga Bilishti, ishte përshtatur lokalin që e kishte marrë me qira për organizimin e lojërave të fatit. Gjatë operacionit, policia ka arrestuar dhe tre persona të tjerë, të cilët janë kapur në flagrancë në lokal duke luajtur poker.
Operacioni ka pasuar informacione të siguruara nga inteligjenca informative, që çuan në zbulesën e lokalit të përshtatur për lojëra të palejuara. Të arrestuarit janë:
– V. S., 52 vjeç, banues në Bilisht, administrator i lokalit, për akuzat “Vënia në dispozicion të lokaleve për lojëra të palejuara”, “Organizimi i lotarive të palejuara”, “Ushtrimi i aktivitetit tregtar pa licencë” dhe “Fshehja e të ardhurave”;
– E. Sh., 28 vjeç, G. H., 38 vjeç dhe E. M., 30 vjeç, banues në Korçë dhe Bilisht, për akuzën “Organizimi i lotarive të palejuara”.
Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
