Supermodelja Kendall Jenner ka firmosur një marrëveshje të re me Adidas, duke u rikthyer zyrtarisht në familjen ikonike të “Three Stripes”.

Pak ditë përpara njoftimit, Jenner u fotografua në Los Angeles e veshur me xhaketë sportive të markës dhe atlete Superstar, një detaj që u interpretua si paralajmërim i bashkëpunimit të ri. Ajo ka qenë më parë ambasadore e adidas në vitin 2017, duke marrë pjesë në disa prej fushatave më të rëndësishme të brand-it.

Detajet financiare dhe kreative të marrëveshjes nuk janë bërë publike, por pritet që Kendall të jetë në qendër të fushatave globale dhe projekteve ekskluzive të ardhshme.

Ky rikthim shihet si një lëvizje strategjike për adidas, duke forcuar praninë e saj në kulturën pop dhe duke rindezur rivalitetin me Nike, veçanërisht brenda ndikimit të familjes Kardashian/Jenner në industrinë e modës dhe sportit.