Meghan Markle dhe Princi Harry ndanë me të gjithë foton e parë të vajzës së tyre, Lilibet “Lili” Diana, si pjesë e kartolinës së Krishtlindjes 2021. Kjo është fotoja e parë e Lili-t e bërë publike dhe vjen gjashtë muaj pas lindjes së saj.

Fotografia familjare është realizuar gjatë verës nga fotografi Alexi Lubomirski.

Në foto, Meghan shihet duke mbajtur Lilin në ajër, ndërsa Harry mban djalin e tyre 2-vjeçar, Archie Harrison, në prehër.

“Këtë vit, 2021, ne mirëpritëm vajzën tonë, Lilibet, në këtë botë”, është mbishkrimi i kartolinës. “Archie na bëri “mama” dhe “baba”, dhe Lili na bëri një familje.”