Ministri i Jashtëm i Kinës, Wang Yi, ka shprehur mbështetjen e vazhdueshme të Kinës për kauzën palestineze dhe të drejtat e saj legjitime. Ai ka paralajmëruar se Kina do të përkrahë anëtarësimin e Palestinës në Kombet e Bashkuara dhe ka denoncuar okupimin afatgjatë të territoreve palestineze nga Izraeli si një shkelje e drejtave të tyre.

Ministri Wang Yi ka kritikuar luftën në rajon, duke thirrur për një armëpushim të menjëhershëm dhe duke e quajtur atë një turp për qytetërimin. Ai gjithashtu ka apeluar për organizimin e një konference paqeje izraelito-palestineze si një rrugë drejt zgjidhjes së konfliktit.

Ndërkaq, OKB ka dënuar urdhrin e Izraelit për evakuimin e civilëve të Gazës nga Rafah, duke e vlerësuar si një shkelje flagrante e ligjit ndërkombëtar humanitar dhe të drejtave të njeriut. OKB theksoi se Rafah është e vetmja strehë për shumicën e banorëve të Gazës dhe një pikë e hapur humanitare.

Ndërsa delegacionet e Katarit, Hamasit dhe Shteteve të Bashkuara kanë lënë Kajron pas dështimit të negociatave për armëpushim. Akuzat vijojnë ndaj SHBA për fshehjen e ndihmës së vërtetë të dhënë për Izrael, duke përfshirë miratimin dhe dorëzimin e shumtë armëve dhe municioneve në periudhën e luftës. Hamas raporton se numri i të vdekurve në Rripin e Gazës ka kaluar 30,800 viktima.