Policia e Tiranës, në bashkëpunim me grupin alpin të Forcës së Sigurisë dhe Federatën Shqiptare të Alpinizmit, ka shpëtuar dy turistë gjermanë të bllokuar në zonën e “Syrit të Ciklopit”. Pas gati pesë orësh kërkimesh në terrenin e vështirë malor dhe errësirën e natës, ata u gjetën dhe u dërguan në siguri. Autoritetet inkurajojnë qytetarët të telefononin në numrin 112 në rast emergjence në vendin tonë.

Turistet gjermanë, ishin bllokuar për shkak të terrenit të vështirë malor dhe mungesës së orientimit në errësirë.

Dy turistet 28 vjeçe dhe 31 vjeçe, janë në gjendje të mirë shëndetësore.‘Shërbimet e Komisariatit të Policisë Nr. 1 dhe grupi alpin i Forcës Kombëtare të Sigurisë, në bashkëpunim me Federatën Shqiptare të Alpinizmit, pas gati 5 orësh kërkime, deri pas mesnatës, kanë bërë të mundur gjetjen dhe shpëtimin e 2 turisteve gjermane, 28 vjeçe dhe 31 vjeçe, të cilat janë në gjendje të mirë shëndetësore.’- njofton policia.