Pas një dëgjese maratonë prej 7 orësh në Këshillin e Lartë të Prokurorisë, anëtarët e KLP-së vendosën me 7 vota që drejtimin e Prokurorisë së Posaçme kundër Korrupsionit dhe Krimit të Organizuar (SPAK) ta marrë prokurori Klodian Braho, i cili zëvendëson Altin Dumanin.

Kush është Klodian Braho?

Kreu i ri i SPAK lindi në Skrapar më 21 korrik 1982. Ai ka një karrierë të konsoliduar në sistemin e drejtësisë dhe është një nga prokurorët me eksperiencat më të gjata në çështjet e krimit të organizuar dhe korrupsionit.

Formimi arsimor
• 2000–2004 – Studimet në Fakultetin e Drejtësisë
• 2005–2008 – Shkolla e Magjistraturës
• 14 nëntor 2007 – Emërohet prokuror

Karriera profesionale

Braho ka mbajtur disa pozicione të rëndësishme në prokuroritë e vendit:
• 2007–2012 – Prokuror në Prokurorinë e Beratit
• 2012–2015 – Prokuror në Prokurorinë e Vlorës
• 2014–2015 – Zëvendësdrejtues i Prokurorisë së Vlorës
• 2015–2019 – Prokuror pranë Prokurorisë së Krimeve të Rënda, Tiranë
• 2019–sot – Prokuror i SPAK, pjesë e strukturës që në krijimin e saj

Në SPAK, Braho ka qenë i përfshirë në çështje madhore që lidhen me krimin e organizuar, dosje të trafikut ndërkombëtar, si dhe hetime të niveleve të larta të korrupsionit.

Zgjedhja në krye të SPAK

Gara për drejtimin e institucionit u zhvillua mes katër kandidatëve:
• Adnan Xholi
• Doloreza Musabelliu
• Elvin Gokaj
• Klodian Braho

Pas pyetjeve intensive dhe prezantimit të platformave të tyre, KLP vendosi t’i besojë drejtimin e SPAK Klodian Brahos për mandatin e ri.

Zgjedhja e tij pritet të ndikojë drejtpërdrejt në vazhdimin e punës së SPAK-ut, institucionit kyç në luftën kundër korrupsionit të nivelit të lartë dhe krimit të organizuar në Shqipëri.