Pas përjashtimit të tij nga Big Brother VIP 3 për shkak të deklaratave të dhunshme dhe kërcënuese në lidhje me ish-gruan, Klodian Duro ka reaguar dhe ka pranuar se deklarata ishte e gabuar. Përmes një postimi në rrjetin social Facebook, Duro ka shprehur ndjesën e tij për fjalët e papërgjegjshme dhe ka kërkuar falje publike. Ai ka theksuar se kishte harruar të percillte mesazhet e duhura dhe ka dëshiruar sukses për banorët e tjerë të shtëpisë Big Brother VIP. Më herët, Vëllai i Madh mori vendim për të përjashtuar menjëherë Klodian Duron nga gara pas deklaratave të tij të papranueshme për dhunën ndaj ish-bashkëshortes.
Reagimi i plotë i Klodian Duros:
Une, Klodian Duro, ju njoftoj qe rrugetimi im ne Big Brother VIP eshte nderprere sot.
Shkak eshte bere nje deklarate e gabuar, nisur si ironi, e tepert tani qe e shoh me ftohtesi dhe qe i le vend keqinterpretimit.
Me vjen keq qe nuk arrita dot te percillja mesazhet e duhura tek te cilat besoj vertete dhe do t’i deshmoja gjate qendrimit ne shtepine e Big Brother.
Nje ndjese shume e sinqerte i shkon publikut dhe u uroj suksese te gjithe banoreve!
Kujtojmë se mbrëmë, pas prime-t, Klodiani, në një bisedë me banorët tha: “Ruhuni nga mua se unë kur kam rrahur gruan time, e di si më dukeni ju apo jo? Ruhuni!”
“Asnjëherë vëlla, larg qoftë. Nuk je ti ai. Kurrë nuk je ti ai. Unë e di që s’je ti ai. Harroje atë, ndërro muhabet, mos ta dëgjoj më”, iu drejtua Meritoni, por ish-futbollisti vazhdonte me deklaratën ku pohonte se ka ushtruar dhunë fizike ndaj bashkëshortes.Vëllai i Madh moiri menjëherë masa, duke e përjashtuar nga gara.
“Banorë, gjatë darkës pas spektaklit mbrëmë është dhënë një deklaratë e rëndë, e papranueshme, që bie ndesh me rregullat e programit si dhe me normat e shoqërisë ku jetojmë. Big Brother ka vendosur të skualifikojë në mënyrë të menjëhershme Klodian Duron nga gara. Big Brother i tërheq vëmendjen të gjithë banorëve të jenë shumë të kujdesshëm në fjalët dhe veprimet e tyre që lidhen me dhunën”, thuhej në zarfin e Vëllait të Madh.
