Gazetarja Klodiana Lala, e ftuar në një emision televiziv, komentoi intervistën e dytë të ish-zëvendëskryeministrit Arben Ahmetaj, duke theksuar se ai është figura kyçe që mund t’i japë fund karrierës politike të kryeministrit Edi Rama dhe të shumë figurave të larta në PS, përfshirë kryetarin e Bashkisë Tiranë. Lala shprehu dëshirën që Ahmetaj të fliste më qartë dhe konkretisht, duke shtuar se ai ka dhënë shumë indikacione që kërkojnë hetim dhe përkthim në dosje hetimore.
Sipas Lalës, Ahmetaj ka fuqinë për të “shkërmoqur” qeverisjen aktuale përmes informacionit që zotëron. Ajo e përshkroi situatën e tij si “duke pasur edhe gurin edhe arrën,” duke nënkuptuar se ai ka mundësinë dhe mjetet për të ndryshuar rrjedhën e politikës shqiptare. Megjithatë, Lala theksoi se vlerësimi i saj për Ahmetajn është i ftohtë dhe profesional.
