Koalicioni “Kosova Fituese” ka zhvilluar një tubim zgjedhor në Mitrovicë, ku kandidati për kryeministër, Ramush Haradinaj, theksoi angazhimin e tij për të përmirësuar kushte ekonomike dhe sociale për qytetarët e Kosovës.

Haradinaj deklaroi se ka ardhur koha për ta kthyer dinjitetin e të punësuarve, duke premtuar rritje të pagave dhe pensioneve. Ai tha se koalicioni i tij është i përkushtuar për të siguruar një pagë prej 1 mijë eurosh për punëtorët dhe 500 euro për pensionistët.

“Siç e kemi deklaruar, 1000 euro paga do të jetë pragu i ulët për punëtorët, dhe 500 euro për pensionistët. Ne jemi të gatshëm të ecim përpara me temat e zhvillimit të brendshëm, përkrahja me paga dhe mbështetje të vazhdueshme do të sigurojnë një siguri shëndetësore dhe ekonomike për qytetarët,” tha Haradinaj, duke shtuar se ky është një hap për përmirësimin e kushteve të jetesës për të gjithë kosovarët.

Ky tubim erdhi në një periudhë të rëndësishme zgjedhore, ku Haradinaj dhe koalicioni “Kosova Fituese” kanë mbështetje të fortë përmes premtimeve për përmirësimin e ekonomisë dhe rritjen e mirëqenies për qytetarët.