Maxhoranca do i drejtohet me një kërkesë Konferencës së Kryetarëve për cështjen e komisioneve parlamentare.

Kryetari i grupit parlamentar të PS, Taulant Balla në një deklaratë për mediat u shpreh se  do ti propozohet Konferencës së Kryetarëve që këto komisione të zhvillohen me praninë fizike të deputetëve.

Balla tha gjithashtu se deputetëve do i kërkohen certifikata e vaksinimin apo test negative anticovid.

“Të gjithë deputetët kanë kryer pjesa më e madhe të dyja dozat e vaksinave, edhe ata që nuk e kanë bërë janë brenda afatit.

Duke filluar nga java tjetër në do ti propozojmë konferencës së kryetarëve duke respektuar distancën, dhe çdo deputetët duhet të vetëdeklaroje certifikatën vaksinimit.

Koha që u fitua gjatë kësaj jave ishte për shkak se axhenda parlamentare ishte e tillë që të kërkonte mirëkuptim nga ana e PD. Unë e kuptoj që hallet brenda në shtëpi i shtyjnë që të krijojnë problematika të panevojshme. Praktika e zhvillimit të mbledhjeve të komisioneve online është një praktike që për raste të caktuara do të vijoj, sa kohë kur çështjet nuk janë të ndonjë rëndësie të madhe.

Për të konkluduar do ti bëja thirrje shpirtrave të trazuar në PD që kjo është një çështje që është e qartë. I bëj thirrje deputetëve, atyre që ende nuk e kanë kryer vaksinimin me dy doza, sepse mendoj se edhe Shqipëria shumë shpejt do të shkojë tek doza e tretë dhe besoj se javës tjetër konferenca e kryetarëve do ti japë dritën jeshile mbajtjes së komisioneve në mënyrë tradicionale”, u shpreh Balla.