Zëvendëskryetarja e Komisionit Hetimor për Inceneratorët, Ermonela Felaj ka lexuar raportin e përmbledhur të mazhorancës mbi rezultatet që prodhoi ky komision hetimor.

Sipas saj, përpara 2013-ës, sistemi i menaxhimit dhe përpunimit të plehrave ishte katastrofike dhe sistemi i kontrollit të kësaj procedure nuk ishte në lartësinë e duhur.

“Në vijim të shembullit që dha opozita. Unë do mundohem të bëj një përmbledhje të këtij raporti. Komisioni hetimor është ngritur me vendim pas kërkesës së opozitës. Çfarë detyrash kishte ky komision. Synonte nxjerrjen e përgjegjësive institucionale. Sipas këtij vendimi, duhej bërë transparencë të plotë në përputhje me kushtetutën. Në funksion të këtij objekti hetimior, ndërtuam planin paraprak, e kompletuam këtë plan. Ishte një plan që mbështetej kryesore, mbledhjen e të dhënave shtetërore. Në pyetjen e dëshmitarëve dhe në konstatimin në terren në impiantet.

Deri në vitin 2013, situata në vendin tonë ishte katastrofike. Menaxhimi i mbetjeve nuk ishte në fokusin e askujt. Si të ecim me hapat e shpejtë. Shumë shpejt, përpara 2013, panorama e menaxhimit të mbetjeve ishte katastrofike. Lejohej i një liste mbetjesh, sistemi i kontrollit nuk ishte në nivelin e duhur. Shërbimi i pastrimit ishte i kufizuar. Kishte pamjaftueshmëri financiare” – tha Felaj.