Krahas toneve të larta, në komisioni hetimor për inceneratorët ku sot dëshmoi kreu i bashkisë së Tiranës, Erion Veliaj, nuk munguan as batutat mes të pranishmëve.
Veliaj foli për Korradon, punonjës i pastrimit të Tiranës, që teksa bën punën e tij, edhe këndon dhe mundohet të ndërgjegjësojë njerëzit.
“E njeh Korradon e Bashkisë? Çuni që mbledh plehrat edhe buzën në gaz edhe simpatik, por edhe e kupton edhe mundohet të ndërgjegjësojë njerëzit. Çfarë të bëjë Korrado i shkretë? Se u bëmë Korado Katani e Silvia Konti edhe këtu. Ju po të respektoni njerëz si Korrado do të fitoni edhe zgjedhjet, po ju keni hallin e ndërtuesve”, u shpreh Veliaj në komision.
