Komisioni i Pavarur i Kualifikimit ka konfirmuar sot në detyrë prokuroren Imeraj, e cila është drejtuese e Prokurorisë së Tiranës.
Pas vlerësimeve të bëra nga KPK, ka rezultuar se Imeraj është e pastër në tre kriteret, pasurinë, pastërtinë e figurës dhe profesionalizmin. Vendimi u dha nga trupa gjykuese e përbërë nga Olsi Komici, Roland Ilia si dhe Suela Zhegu.
Një javë më parë Këshilli i Lartë i Prokurorisë emëroi Elisabeta Imerajn drejtuese të Prokurorisë së Tiranës për një mandat 3 vjeçar.
