Luciano Boçi ka dalë fitues për procesin e “Primareve” në Elbasan. Gjithsej në këtë bashki kanë votuar 2183 persona nga të cilët 2168 kanë votuar pro Boçit, 7 kundër dhe 8 vota të pavlefshme.

Lajmin e bëri të ditur vetë kryetari i Partisë Demokratike të Elbasanit, Blend Himçi, përmes një deklarate për mediat.
“Ka përfunduar procesi i “Primareve” për Bashkinë e Elbasanit. Kanë marrë pjesë 2183 votues, nga këto 2168 vota pro Luçiano Boçit, 7 kundra dhe 3 të pavlefshme. Zyrtarisht kandidat i Partisë Demokratike për Bashkinë e Elbasanit do të jetë Luçiano Boçi”, tha Himçi.

Në Cërrik është shpallur fitues Servet Duzha me 260 vota ndërsa në Peqin ka fituar bindshëm mjeku Mustafa Pashja përballë kandidatit tjetër Albert Kurti.