Një incident ka ndodhur mbrëmjen e sotme pranë Mauzoleumit të Dëshmorëve në Durrës, ku dy vajza janë përfshirë në një konflikt të ashpër që ka tërhequr vëmendjen e kalimtarëve.

Sipas dëshmitarëve, situata u tensionua papritur, duke shkaktuar shqetësim te personat që ndodheshin në zonë. Për të qetësuar situatën, ndërhyri policia, ndërsa një ambulancë mbërriti për të ofruar ndihmën e nevojshme mjekësore.

Njëra prej vajzave refuzoi të dilte nga makina pa praninë e policisë, duke e bërë të nevojshme mbërritjen e dy furgonave të policisë dhe forcave “Shqiponja”. Pas ndërhyrjes, vajza u shoqërua në komisariatin e Durrësit për hetime të mëtejshme.

Autoritetet po hetojnë shkaqet e konfliktit dhe priten veprime të mëtejshme ligjore.