Specialistët për Hetimin e Krimeve të Komisariatit të Policisë Kurbin arrestuan në flagrancë shtetasin F. M., 33 vjeç, banues në Fushë-Milot, pasi dyshohet se gjatë një konflikti për motive të dobëta, ka goditur me sende të forta një 70-vjeçar, banues në të njëjtin fshat.

I plagosuri ndodhet aktualisht në Spitalin e Traumës, nën kujdesin e mjekëve.

Pas arrestimit, F. M. në ambientet e paraburgimit ka goditur murin me kokë, duke pësuar dëmtime të lehta. Ai u dërgua për ndihmë mjekësore në Spitalin Rajonal Lezhë, ku ndodhet jashtë rrezikut për jetën, dhe vazhdon të qëndrojë nën kujdesin mjekësor dhe shoqërimin e Policisë.