Një ngjarje e rëndë është shënuar paraditen e sotme në qyetetin e Vlorës. Konflikti mes dy të rinjve ka përfunduar me plagosjen me thikë të shtetasit A. L., 20 vjeç.
Ngjarja ka ndodhur rreth ores 10:50 në lagjen “24 Maji”, Vlorë.
Policia e Vlorës ka dhënë informacion zyrtar për ngjarjen e ndodhur, ku mbeti i plagosur një i ri. Policia thotë se ka identifikuar autorin dhe është vënë në ndjekje të tij.
Vlorë/Informacion paraprak
Më datë 20.05.2021, në orës 10:50 në lagjen “24 Maji”, Vlorë, në një lokal, dyshohet se pas një konflikti të çastit, është goditur me mjet prerës (thikë), shtetasi A. L., 20 vjeç, jashtë rrezikut për jetën.Autori i ngjarjes dyshohet se është shtetasi A.V dhe shërbimet e Policisë janë vënë në ndjekje të tij.
Grupi hetimor ndodhet në vendngjarje dhe po punon për zbardhjen e ngjarjes.
