Forcat operacionale të policisë së burgjeve kanë zhvilluar kontrolle të befasishme në mesnatë në Burgun e Sigurisë së Lartë në Peqin, ku ndodhen edhe të dënuar me burgim të përjetshëm.

Operacioni ka pasur si objektiv zbulimin e sendeve të kundërligjshme, kryesisht mjete komunikimi si telefona celularë apo pajisje të tjera të ndaluara.

Burime nga grupi i kontrollit bëjnë me dije se gjatë aksionit u gjetën disa sende me interes për hetimin, por nuk është bërë e ditur nëse ato i përkisnin ndonjë të burgosuri konkret.

Kontrollet e befasishme në burgjet e sigurisë së lartë janë bërë të shpeshta muajt e fundit, për shkak të dyshimeve se disa të dënuar vazhdojnë të mbajnë kontakte të paligjshme me botën e jashtme.