Kontrolli i Lartë i Shtetit ka filluar sot një auditim të detajuar në lidhje me situatën e përmbytjeve në Qytetin e Vlorës. Ky auditim do të përfshijë disa institucione dhe do të fokusojë vëmendjen kryesisht në shkaqet që çuan në këtë situatë problematike.

Grupi i auditimit ka nisur tashmë punën pranë institucioneve të përfshira, si dhe në terren, për të grumbulluar informacione dhe dëshmi që lidhen me ngjarjen. Auditimi do të përfshijë institucione të pushtetit lokal dhe atij qendror, duke shqyrtuar jo vetëm shkaqet e përmbytjeve, por edhe menaxhimin e situatës nga institucionet përkatëse.

Ky auditim, i ngritur me prioritet dhe në mënyrë emergjente, do të zgjasë disa ditë, pas të cilave pritet të publikohet një raport përkatës mbi gjetjet dhe rekomandimet për situatën e krijuar.