Policia e Korçës ka finalizuar një operacion në fushën e narkotikëve, duke arrestuar Petrika Treska, 34 vjeç, i akuzuar për prodhimin dhe shitjen e lëndëve narkotike.

Sipas njoftimit të policisë, Treska dyshohet se shiste kokainë dhe kanabis në lagje dhe lokale të ndryshme të qytetit. Gjatë kontrolleve në automjetin dhe banesat e tij, autoritetet sekuestruan sasi të ndara në doza të lëndëve narkotike, gati për shitje.

Operacioni u zhvillua nga Forca e Posaçme “Shqiponja” dhe specialistët e Sektorit të Narkotikëve, ndërsa materiali procedurial iu referua Prokurorisë pranë Gjykatës së Shkallës së Parë të Korçës.

Hetimet vijojnë për identifikimin dhe arrestimin e personave të tjerë që mund të jenë përfshirë në këtë rrjet të shpërndarjes së narkotikëve.