Detaje të reja janë zbardhur lidhur me ngjarjen e djeshme në Korçë, ku një person mbeti i plagosur rëndë. Autori i arrestuar është Aleks Qiqi, 41 vjeç, i cili sapo kishte dalë nga burgu.

Sipas burimeve, Qiqi nuk ka një imazh “të pastër” para autoriteteve, pasi ka qenë i dënuar për disa vepra penale, përfshirë falsifikime, trafikim droge dhe të tjera. Ai rezulton i dënuar edhe në Greqi.

Nga përplasja, autori ka marrë dëmtime, por ndodhet në gjendje të stabël, ndërsa i riu i plagosur është në gjendje të rëndë dhe po merr trajtim mjekësor intensiv.

Hetimet nga policia e Korçës vazhdojnë për zbardhjen e plotë të ngjarjes dhe rrethanave të saj.