Ditën e djeshme, në rrjetet sociale u përhap një video ku shihej një qytetar duke tërhequr prej flokësh një vajzë të mitur në një zonë të frekuentuar të qytetit të Korçës. Policia lokale reagoi shpejt, duke identifikuar dhe shoqëruar në komisariat personat e përfshirë në ngjarje. Sipas deklaratave të dhëna para oficerëve, shtetasi që ka kapur vajzën ishte babai i saj.

Materialet u referuan në Prokurori dhe ndaj 33-vjeçarit M. U., shtetas holandez, është nisur procedimi penal për veprën “Keqtrajtimi i të miturit”.

Drejtoria Vendore e Policisë Korçë falënderon median dhe qytetarët për bashkëpunimin dhe i inkurajon të vazhdojnë të denoncojnë raste dhune apo paligjshmërie.