Koreja e Veriut ka deklaruar se do të “shkatërrojë plotësisht” armiqtë e saj nëse lideri Kim Jong Un jep urdhrin në rast lufte, sipas mediave shtetërore KCNA. Deklaratat erdhën nga zyrtarë të lartë ushtarakë, përfshirë kolonelin Ri Un Ryong dhe togerin e marinës Yu Kyong Song, gjatë një takimi ku Kim mori pjesë për të shënuar 71-vjetorin e armëpushimit në Luftën Koreane.

Koreja e Veriut dhe Shtetet e Bashkuara nuk kanë lidhje diplomatike dhe bisedimet për uljen e tensioneve dhe çështjet bërthamore kanë ngecur që nga viti 2019. Shteti korean verior ka akuzuar SHBA-në dhe Korenë e Jugut se janë të vendosur për të provokuar një luftë bërthamore, duke theksuar se janë të gatshëm të përgjigjen me një “sulm dërrmues” kurdo që të jetë e nevojshme.

Më 27 korrik 1953, Koreja e Veriut nënshkroi një marrëveshje armëpushimi me Shtetet e Bashkuara dhe Kinën, duke i dhënë fund armiqësive në Luftën Koreane. Megjithatë, kjo marrëveshje nuk është një traktat paqeje, që do të thotë se teknologjikisht të dy Koretë janë ende në luftë. Në Korenë e Veriut, 27 korriku njihet si “Dita e Fitores”, ndërsa në Korenë e Jugut kjo ditë nuk shënohet me ngjarje të mëdha.