Presidentja e Kosovës, Vjosa Osmani, ka pritur ministrin për Evropën dhe Punët e Jashtme të Shqipërisë, Igli Hasani, në një takim ku janë diskutuar zhvillimet politike, siguritare dhe bashkëpunimi ndërshtetëror në politikën e jashtme.
“Përtej lidhjes historike e partneritetit strategjik, Kosova dhe Shqipëria duhet të kenë synime të përbashkëta dhe strategji të harmonizuara në interes të dy shteteve”, ka theksuar deklaruar ajo, njofton Presidenca përmes një komunikate për media.
Pozita e Kosovës në arenën ndërkombëtare ka nevojë për kontribut të vazhdueshëm të politikës së jashtme të Shqipërisë”, është shprehur ajo

Osmani ka shprehur falënderim për mbështetjen e Shqipërisë për Kosovën në periudhat e vështira dhe në procesin e shtetformimit.

Presidentja ka theksuar nevojën për mbështetje të vazhdueshme në arenën ndërkombëtare, sidomos në organizatat ku Kosova nuk është e përfaqësuar.

Diskutimi ka përfshirë çështjen e njohjeve të reja, përfshirjen në Partneritetin për Paqe dhe koordinimin për sfidat e sigurisë.

Osmani ka theksuar përkushtimin e institucioneve të Kosovës për bashkëpunim me partnerët ndërkombëtarë dhe vendet e rajonit në adresimin e sfidave të sigurisë, duke theksuar rëndësinë e angazhimit ndërkombëtar në ruajtjen e paqes dhe stabilitetit, duke marrë parasysh zhvillimet e fundit në veriun e Kosovës dhe veprimet armiqësore të Serbisë.