Kryeministri i Kosovës, Albin Kurti, ka bërë të ditur se Forca e Sigurisë së Kosovës është pajisur me sistemin antitank turk OMTAS. Lajmi u shoqërua me pamje të publikuara në rrjetet sociale, ku Kurti thekson se ky sistem rrit ndjeshëm kapacitetet mbrojtëse të vendit.
“Më të fortë, më të sigurt: sistemi antitank turk OMTAS, pjesë e arsenalit të ushtrisë sonë”, shkruan Kurti.
Sistemi OMTAS, i prodhuar në Turqi, konsiderohet një armë moderne kundër mjeteve të blinduara dhe përfshirja e tij në arsenalin e FSK-së vjen në kuadër të modernizimit dhe forcimit të kapaciteteve të sigurisë së Kosovës.
