Kremlini ka reaguar kritikisht ndaj planet e Bashkimit Evropian për të ofruar ndihmë financiare prej 20 miliardë eurosh për Ukrainën, duke theksuar se kjo ndihmë nuk do të ndikojë në rezultatin e konfliktit dhe mund të përkeqësojë situatën ekonomike në Evropë.
Zëdhënësi i Kremlinit, Dmitry Peskov, ka shtuar se taksapaguesit evropianë po kuptojnë se paratë e tyre mund të shpërdorohen nga autoritetet ukrainase dhe ka shprehur shqetësimet për nivelin e korrupsionit në vend. Në këtë kontekst, Kremlini vlerëson se ndihma financiare e propozuar nga BE do të shkojë në kurriz të ekonomive evropiane që tashmë përballen me sfida të vështira.
I pyetur për raportin, zëdhënësi i Kremlinit Dmitry Peskov la të kuptohet, pa përmendur shembuj specifik, se taksapaguesit evropianë kanë filluar të kuptojnë se paratë e tyre po shpërdorohen nga autoritetet në Ukrainë.
“Si evropianët dhe amerikanët tashmë janë të vetëdijshëm për nivelin e korrupsionit (në Ukrainë) dhe e kuptojnë se një pjesë e konsiderueshme e këtyre parave po vidhet,” tha Peskov në konferencën e rregullt për shtyp.
“Këto para nuk do të mund të ndryshojnë rrjedhën e ngjarjeve (në konfliktin në Ukrainë)… Këto para jepen në kurriz të ekonomive të BE-së të cilat tashmë po kalojnë kohë të vështira…”, tha ai.
Peskov përsëriti se Moska do të vazhdojë atë që e quan operacionin e saj special ushtarak në Ukrainë derisa të arrijë “qëllimet që qëndrojnë para nesh”.
