Kreu i FRPD-së, Belind Këlliçi akuzoi kryetarin e PD-së, Lulzim Basha si përgjegjës për bastisjen e zyrës së tij. Në një prononcim për mediat ai tha se kur kishte shkuar sot në zyrë kishte parë që brava e derës ishte ndryshuar dhe brenda ishin vjedhur sende të tijat personale.
Këlliçi bëri përgjegjës për vjedhjen e sendeve personale kryedemokratin Lulzim Basha. Gjithashtu gjatë fjalës së tij ai denoncoi dhe presionet që iu bën ditën e sotme anëtraëve të Forumit Rinor të FRPD-së nga persona të armatosur me qëllim tërheqjen e tyre.
“Pas mbledhjes së rithemelim, u nuk kemi cënuar njeri. kemi ardhur të seli për një mbledhje të radhës. Zyra ja qenë me brava të ndërruara dhe çelësa.
Është vjedhur zyra e kryetarit të forumit Rinor të Partisë Demokratike. Përgjegjës bëj drejtpërdrejtë Lulzim Basha pasi nuk e ka askush kurajon të hapë dhe të shklyej portat e zyrës së një zyrtari në Partinë Demokratike. Në zyrën time janë vjedhur sende të mijat personale dhe disa usb të mija personale.
Gjatë kohës që kam qënë në duke parë zyrën me të rinjtë e Partisë Demokratike, kanë ardhur persona dhe më thanë se janë indtimiduar nga persona të armatosur brenda Partisë Demokratike. Nëse mendojnë se do t’i stepin të rinjtë e Partisë Demokratike e kanë shumë gabim”, tha Këlliçi.
