Drejtuesi i Prokurorisë së Posaçme, Altin Dumani, gjatë një seance të Komisionit të Ligjeve, u pyet për vlerësimin e tij mbi punën e prokurorëve të SPAK. Dumani shprehu kënaqësinë e tij për angazhimin dhe paraqitjen e prokurorëve, por gjithashtu pranoi se ka kritika për veten dhe kolegët e tij.

“Patjetër që unë jam i kënaqur nga paraqitja dhe angazhimi i tyre. Jam kritik me veten time në radhë të parë dhe kam pakënaqësitë e mia edhe për kolegët prokurorë, por i vlerësoj pozitivisht. Jemi duke ecur drejt asaj që pritet nga institucioni ynë, për të qenë i aftë për të ushtruar ndjekjen penale ndaj çdo funksionari publik, pavarësisht fuqisë që mbajnë,” tha Dumani.