Një krim i rëndë brenda familjes ka ndodhur në fshatin Vidhishtë të Roskovecit mesditën e sotme. Një 61-vjeçar ka vrarë me thikë bashkëjetuesen e djalit të tij dhe më pas i ka dhënë fund jetës duke u vetëvarur në një pemë.
Policia bëri me dije në një njoftim paraprak për mediat se viktima që u vra nga 61-vjeçari është shtetasja Merushe Hazizi, 30 vjeçe.
Ndërkohë që autori i ngjarjes së rëndë që më pas vari veten, është shtetasi Xhevahir Hoxha.
Fier/Informacion paraprak
Sot rreth orës 12:30, në fshatin Vidhishtë, Roskovec, shtetasi Xh. H., 61 vjeç, dyshohet se në banesë ka vrarë me thikë bashkëjetuesen e djalit, shtetasen M. H., 30 vjeçe dhe më pas ka varur veten në një pemë pas banese.
Grupi hetimor ndodhet në vendngjarje dhe po punon për zbardhjen e rrethanave të kësaj ngjarje.
