Një ngjarje tragjike ka ndodhur mëngjesin e sotëm (1 dhjetor) në fshatin Angelochori në Selanik, ku një 46-vjeçar shqiptar akuzohet për vrasjen e partneres së tij 60-vjeçare dhe plagosjen e djalit të saj 29-vjeçar. Sipas raportimeve nga mediat greke, ngjarja ka ndodhur gjatë një debati të ashpër mes çiftit, për shkak të motiveve që ende nuk janë sqaruar.

Gjatë përleshjes, 46-vjeçari ka marrë një thikë dhe ka sulmuar partneren, ndërsa djali i viktimës ka tentuar të ndërhyjë për ta ndaluar. Megjithatë, ai nuk ka mundur të shpëtojë nënën e tij, e cila ka vdekur pas goditjeve me thikë. Djali ka mbetur i plagosur dhe është dërguar në spitalin Ippokrateio, ku aktualisht është jashtë rrezikut për jetën.

Pas krimit, autori është vetëdorëzuar në Polici dhe është arrestuar.