Mesfushori shqiptar Kristjan Asllani i dhuroi Shqipërisë një fitore të rëndësishme me golin e tij magjik kundër Gjeorgjisë në Tbilisi, duke siguruar 3 pikë të vyera në Nations League. Me një performancë të shkëlqyer në fushë, 22-vjeçari është përfshirë në formacionin e javës, sipas Whoscored.com, ku është vlerësuar me notën 8.63.

Në të njëjtin formacion ndodhen edhe emra të njohur si Marko Arnautovic dhe Trent Alexander-Arnold, si dhe tre futbollistë të tjerë nga Turqia, përfshirë Yildiz. Performanca e Asllanit konfirmon potencialin e tij në nivel ndërkombëtar dhe rëndësinë që ka për ekipin shqiptar.