Në Kroaci ka hyrë sot në fuqi ndalimi i përdorimit të telefonave celularë në shkollat fillore dhe të mesme, një masë që synon të kufizojë shpërqendrimin e nxënësve gjatë procesit mësimor.

Sipas të dhënave të publikuara, shumica e nxënësve e përdorin teknologjinë kryesisht për argëtim dhe shumë pak për detyrat apo aktivitetet shkollore.

Nga ana tjetër, rreth 70 për qind e nxënësve rezulton se nuk kanë mbikëqyrje në përdorimin e teknologjive digjitale.

Këto përfundime dalin nga një anketë e realizuar nga CARNET në bashkëpunim me një universitet, ku morën pjesë rreth 4 mijë studentë. Studimi synon të analizojë mënyrën se si të rinjtë përdorin pajisjet digjitale dhe ndikimin e tyre në procesin arsimor.