Vojçek Shezni u tërhoq nga futbolli në 2024 pas përfundimit të aventurës me Juventusin dhe kombëtaren polake, por rikthimi i tij te Barcelona, pas dëmtimit të portierit Ter Stegen, ka shkaktuar debat. Ish-futbollisti i Polonisë, Grzegorz Krychowiak, shprehu hapur mosmiratimin e tij për vendimin e gardianit.
35-vjeçari, i cili vetë u tërhoq së fundmi nga futbolli profesionist, u pyet nëse mund të shqyrtonte vendimin për rikthimin e Sheznit. “Pas asaj bisede, kuptova se nuk jam Vojçek Shezni. Nuk bëj budallallëk. Mora një vendim të menduar mirë dhe ky është fundi i karrierës sime”, tha Krychowiak, duke konfirmuar vendosmërinë për t’i dhënë fund karrierës së tij profesionale.
