Kryeministri Edi Rama ka reaguar për situatën e krijuar nga përmbytjet dhe reshjet e dëborës në vend.
Kreu i qeverisë ka zgjedhur që në profilin e tij në Facebook të shpërndajë video nga terreni ku shfaqen në terren Drejtori i Përgjithshëm i Agjencisë Kombëtare të Mbrojtjes Civile, Haki Çako dhe ministrja e Bujqësisë Frida Krifca.
Rama thekson se po punohet me të gjitha kapacitetet dhe pa ndërprerje në zonat e prekura.
“Në terren me të gjitha kapacitetet dhe pa ndërprerje, në zonën e prekur nga dalja e Vjosës prej shtratit të saj, si pasojë e reshjeve intensive”, shkruan Rama.
Situata më problematike paraqitet në qarqet Fier dhe Vlorë, ndërkohë që lumi Vjosa ka dalë nga shtrati duke shkaktuar përmbytje.
Policia e Shtetit, që prej ditës së djeshme, ka kaluar në gatishmëri, për t’u ardhur në ndihmë banorëve.
