Kryeministri i ri i Sirisë, Mohammad al-Bashir, në intervistën e tij të parë, ka shpallur tre objektivat kryesore që do të ndjekë qeveria e tij për të rindërtuar vendin pas një periudhe të gjatë konflikti. Ai theksoi se i pari prej këtyre objektivave është rivendosja e sigurisë dhe stabilitetit në të gjitha qytetet e Sirisë. Ky është një prioritet i domosdoshëm pas viteve të tëra të luftës dhe kaotikut që kanë shkatërruar shumë pjesë të vendit.

Objektivi i dytë që al-Bashir ka përmendur është kthimi i miliona refugjatëve sirianë që janë shpërngulur jashtë vendit për shkak të luftës dhe pasojave të saj. Ai theksoi rëndësinë e kthimit të këtyre qytetarëve për të forcuar shoqërinë dhe ekonominë siriane, duke ofruar mundësi për rindërtim dhe zhvillim të vendit.

I treti objektiv është përmirësimi i infrastrukturës dhe ofrimi i shërbimeve themelore për qytetarët, përfshirë ato për energjinë, ushqimin dhe ujin. Ky hapi është i domosdoshëm për të siguruar kushte më të mira jetese për popullsinë dhe për të mundësuar një rimëkëmbje të shpejtë të vendit pas shkatërrimeve të luftës.

Në fund të intervistës, al-Bashir i bëri një thirrje të fuqishme të gjithë sirianëve që janë larguar nga Siria gjatë periudhës së konfliktit. Ai tha: “Siria është tani një vend i lirë që ka fituar krenarinë dhe dinjitetin e saj. Kthehuni! Ne duhet ta rindërtojmë, të rilindemi dhe kemi nevojë për ndihmën e të gjithëve,”duke inkurajuar të gjithë qytetarët sirianë të kthehen dhe të kontribuojnë në rindërtimin e vendit të tyre.