Kryeministri i Serbisë, Millosh Vuçeviç, ka dhënë dorëheqje nga posti i tij, duke u shprehur në një fjalim të jashtëzakonshëm për publikun. Pas sulmit të natës ndaj studentëve në Novi Sad, Vuçeviç tha se kur mori mandatin nga Presidenti i Serbisë në prillin e vitit të kaluar, kishte një ndjenjë të fortë krenarie dhe u përpoq të kuptonte përgjegjësinë që mban në këtë pozitë.

Në fjalën e tij, Vuçeviç theksoi se ishte i vetëdijshëm për sfidat që kishte Serbia, përfshirë situatën gjeopolitike dhe problemet në rajon, por shihte qeverinë e tij si një qeveri të vazhdimësisë. Ai shprehu krenari për arritjet e qeverisë gjatë mandatit të tij.

Dorëheqja e Vuçeviç është një hap i papritur në një periudhë të trazuar për Serbinë, ku protesta të shumta kanë tronditur vendin. Sipas tij, ai ka vendosur që të bëjë një hap mbrapa për të kontribuar në zgjidhjen e krizës politike që ka përfshirë vendin.