Në një takim me sekretarin e jashtëm britanik, kryeministri Edi Rama u shpreh se kanë diskutuar për sfidat e emigracionit të paligjshëm dhe për detyrimin për të adresuar këtë problem në rrënjë.

Rama vuri në dukje përpjekjet e përbashkëta dhe rezultatet pozitive të luftës kundër trafikut të paligjshëm të qenieve njerëzore. Ai gjithashtu theksoi gatishmërinë për të vazhduar këto operacione të përbashkëta dhe për të dekurajuar flukset e trafikut të paligjshëm.

Kemi folur edhe padyshim për projektin apo programin e përbashkët të luftës kundër trafikut të paligjshëm të qenieve njerëzore dhe patjetër që jemi shumë të kënaqur me rezultatet e arritura, por operacioni ynë i përbashkët do vazhdojë, gatishmëria në dekurajimin e flukseve të këtij trafiku do të jetë maksimale edhe në vazhdim. Natyrisht lidhet edhe me vullnetin e përbashkët për t’i shkuar në rrënjë këtij problemi.