Kryeministri Edi Rama, nëpërmjet një video-mesazhi në rrjetin social “Facebook” bën me dije se tashmë fëmijët mund të regjistrohen në shkolla nëpërmjet platformës e-Albania. Kreu i qeverisë thotë se tani ky proces mund të bëhet pa mbledhur “një tufë me dokumente”.

Rama gjithashtu shprehet se kjo mundësi shmang radhët që mund të krijoheshin në dyert e institucioneve arsimore.

“Mirëmëngjesi dhe me lajmin e mirë se erdhi dita të regjistrojmë fëmijët në shkolla, por pa mbledhur më një tufë me letra nëpër duar e pa mbajtur më radhë në asnjë derë institucioni arsimor, ju uroj një ditë të mbarë”, shkruan kreu i qeverisë.