Kryeministri Edi Rama publikoi sot në rrjetet sociale pamje nga stërvitja e madhe ushtarake ndërkombëtare “Defender 25”, duke theksuar rëndësinë e këtij operacioni të përbashkët ushtarak.

Në postimin e tij, Rama shkruan:

MIRËMËNGJES dhe me Forcat e Armatosura që vijojnë stërvitjen “Defender 25”, stërvitja ndërkombëtare, një nga më të mëdhatë dhe më komplekset e dekadës së fundit në Europë dhe Afrikë, që zhvillohet nën udhëheqjen e Komandës Europiane të SHBA, në bashkëpunim të ngushtë me vendet aleate dhe partnere të NATO-s ju uroj një fundjavë të mbarë.

Stërvitja “Defender 25” synon përforcimin e bashkëpunimit ndërkombëtar, rritjen e gatishmërisë dhe forcimin e sigurisë kolektive në rajon. Shqipëria, anëtare e NATO-s, merr pjesë aktive në këtë operacion, duke konfirmuar angazhimin e saj në mbrojtjen e sigurisë euroatlantike.

Kjo stërvitje është pjesë e një serie të stërvitjeve vjetore që synojnë testimin dhe përmirësimin e kapaciteteve për reagim të shpejtë ndaj kërcënimeve të ndryshme në skenarin gjeopolitik të sotëm.