Kryeministri i vendit, Edi Rama, ka mbajtur fjalën e tij ditën e sotme në Samitin e III të Diasporës, duke theksuar se Shqipëria dhe shqiptarët janë shumë ndryshe nga koha më parë.

“Si sot, shqiptarët nuk kanë qenë kurrë më parë. Nuk e kanë pasur kurrë më parë peshën e tyre, jo vetëm për të marrë vendimet aty ku janë, qofshin ato në Republikën e Shqipërisë ose Kosovë, apo në shtete me popullsi shtetformuese. Faktet flasin në mënyrë inkurajuese për të ushqyer besimin se vërtetë kemi shumë ende për të bërë kur fjala jonë të shkruhet në historinë e botës.

Jemi sot në një nivel komplet tjetër nga koha kur ishim shumë larg së qenit vendi i 10 milionë turistëve apo vendi i integrimit evropian që organizon samite. Kosova është shumë larg asaj që ishte, Maqedonia e Veriut ka ndryshuar dhe Shqiptarët në Maqedoninë e Veriut janë pjesë e pandashme shtetit dhe qeverisjes. Mal i Zi, ku një kryeministër shqiptar drejton qeverinë, është një rezultat i ndryshimeve pozitive.

Festa e Alfabetit, 22 nëntori, do të jetë gjithashtu një festë zyrtare në Shqipëri. “Dita e Alfabetit e 22 nëntorit të jetë një ditë feste kombëtare edhe në Shqipëri dhe shpresoj që edhe Presidentja e Kosovës t’ia sugjerojë kryeministrit të vet. Unë e dëgjoj Presidentin për veten time,” tha Rama gjatë fjalës së tij.