Kryeministri Edi Rama bëri me dije përmes rrjeteve sociale se regjistrimet për klasën e 10-të në Arsim Profesional janë hapur dhe të rinjtë që ndjekin shkollën profesionale tashmë mund të regjistrohen lehtësisht përmes platformës e-albania.

Rama theksoi se qeveria mbështet fuqimisht nxënësit që zgjedhin degët prioritare, si dhe përkrah ata nga familjet në nevojë, nxënësit që banojnë më shumë se 5 kilometra larg shkollës profesionale, ekselentët me mesatare mbi 9 në vitin e kaluar shkollor, si dhe nxënësit nga grupet e veçanta.

Ky hap synon të inkurajojë zgjedhjen e arsimit profesional dhe të sigurojë mbështetje për studentët me nevoja të veçanta, duke krijuar mundësi më të barabarta për arsimim cilësor.