Kryeministri Edi Rama paralajmëron refuzimin e BE-së për hapjen e negociatave të anëtarësimit me Shqipërinë dhe Maqedoninë e Veriut.

Për këtë arsye, Rama tha se ka vendosur me liderët e Serbisë dhe Maqedonisë së Veriut që të mos marrin pjesë në Samitin e BE-së i cili do të mbahet më 23 qershor në Bruksel.

Postimi në Twitter i Ramës

“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së.

Duket se një tjetër “Jo, na vjen keq!” do të jetë ajo që do të dëgjojmë në fund!

I gjithë Unioni po mbahet peng nga Bullgaria dhe ky nuk është një spektakël i mirë për t’u parë! Çfarë të bëjmë atje?!”, shkruan Rama në Twitter.