**Kryeministri Rama: Reforma në Drejtësi, Një Monument i Shembur i Pandëshkueshmërisë**

Në fjalën e tij para deputetëve dhe ministrave, Kryeministri Rama theksoi rëndësinë e reformës në drejtësi për vendin dhe për të ardhmen e sistemit gjyqësor shqiptar. Ai tha se pa vendosmërinë dhe guximin e Partisë Socialiste për të përmbushur këtë reformë, Shqipëria nuk do të kishte arritur një nivel të drejtësisë së pavarur.

Rama e quajti reformën në drejtësi një akt të rëndësishëm që ka shkatërruar “monumentin e shëmtuar të kulturës së pandëshkueshmërisë”. Ai vuri në dukje se PS ka qenë në krye të përpjekjeve për të bërë Shqipërinë një shtet të respektuar ndërkombëtarisht dhe të arrinte standartet e Bashkimit Evropian në drejtësi dhe mirëqeverisje.

Kryeministri shtoi se për herë të parë në historinë e Shqipërisë, një pushtet politik ka marrë hapa të guximshëm për të pavarësuar drejtësinë nga ndikimi politik. Ai shprehu krenarinë për arritjen e kësaj dite dhe theksoi se është rezultat i luftës vendimtare për të rilindur besimin e shqiptarëve në drejtësi.

Kjo forcë qeverisëse, PS është prej një dekade në luftë për ta bërë Shqipërinë një shtet real dhe të respektuar botërisht, ku mirëqeverisja dhe sundimi i ligjit të arrij në nivelin e një vendi të BE. Askush më parë, asnjë forcë me peshë që prej shkëputjes së Shqipërisë nga perandoria otomane nuk i ka hyrë detit në këmbë për ta pavarësuar drejtësinë nga pushteti politik. Askush dhe asnjë. Asnjëherë, askush që ka qenë pjesë përbërëse e pushtetit nuk është hetuar dhe gjykuar nga një drejtësi e pavarur siç po ndodh sot. Krenarinë për ardhjen e kësaj dite, vetëm falë luftës vendimtare për Shqipërinë që ne kemi hapur, nuk na e mohon dhe nuk na e merr dot askush. Pa forcën udhëheqëse, guximin dhe vendosmërinë e PS në 10 vite sot nuk do kishte rilindur besimi i shqiptarëve të drejtësia. Nuk do e shihnim, rrëzimin e monumentit më të shëmtuar të trashëgimisë sonë, monumentin të kulturës së pandëshkueshmërisë.