Kryeministri Edi Rama ka dërguar një mesazh të qartë dhe udhëzues për kandidatët për deputetë, duke theksuar se asnjë deputet nuk duhet të hapë zyra elektorale jashtë zonës së caktuar për të. Rama shprehu se deputetët janë të lirë të organizojnë takime në çdo vend, por nuk duhet të përdorin strukturën e Partisë Socialiste për këto aktivitete.

Ai gjithashtu theksoi se deputetët që janë pjesë e listës së mbyllur nuk duhet të kërkojnë vota për kandidatët e listës së hapur, por vetëm për PS-në dhe numrin 5. Rama iu bëri thirrje që të respektojnë këtë udhëzim për të ruajtur barazinë e garës dhe për të shmangur çoroditjen e strukturës.

Mesazhi i plotë nga Kryeministri:
• Deputetët nuk duhet të hapin zyra elektorale jashtë zonës që iu është caktuar nga drejtuesi politik.
• Struktura e partisë është për qëllimin e përbashkët dhe nuk duhet përdorur për takimet e individëve.
• Deputetët në listën e mbyllur nuk duhet të kërkojnë vota për asnjë deputet në listën e hapur, por vetëm për PS-në, numrin 5.
• Deputetët në listën e hapur nuk duhet të kërkojnë vota nga kolegët në listën e mbyllur në zonën përkatëse, për të ruajtur barazinë e garës dhe për të mos çoroditur strukturën.