Në prag të ndërrimit të viteve, Kryeministri Edi Rama uroi shqiptarët për një vit të mbarë, duke shprehur besimin për një të ardhme më të ndritur për Shqipërinë dhe qytetarët e saj.

“Ka një vit të tërë për t’u ngjitur dhe çdo vit e ka një ditë të vetme për të zbritur,” tha Rama, duke theksuar se 2023 ishte një vit i suksesshëm për vendin dhe se përpara qëndron një rrugë drejt objektivave të rëndësishëm kombëtarë.

Kryeministri nënvizoi synimin për të çuar Shqipërinë drejt “shtëpisë së madhe të Familjes së Bashkuar Europiane”, një vizion që, sipas tij, do të mbetet i përhershëm edhe përtej brezave.

“Sot është ajo dita e vetme për të zbritur dhe për të qëndruar me familjet tona, duke pritur Vitin e Ri,” tha Rama, duke uruar shqiptarët për një vit të ri të mbushur me shëndet, mbarësi dhe gëzim në çdo familje.

“Gëzuar!” përfundoi ai mesazhin e tij festiv.