Kreu i SPAK, Altin Dumani, ka takuar zyrtarë dhe ambasadorë të vendeve të Bashkimit Europian në Shqipëri, prezantuar punën e institucionit dhe përcjellë nga Ambasada e Gjermanisë me një reagim pozitiv, duke shprehur mbështetje për luftën e SPAK kundër korrupsionit dhe krimit të organizuar. Ambasada vlerëson sukseset e deritanishme të SPAK në këtë fushë.

“Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së në Europe House. SPAK është pjesë e pazëvendësueshme e reformave në drejtësi ⚖️ dhe tashmë ka treguar sukses të madh në luftën kundër korrupsionit dhe krimit të organizuar.👏 Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim më tej punën e tij”, thuhet në reagimin e ambasadës gjermane.