Kryetari i Bashkisë së Tiranës, Erion Veliaj votoi sot në orën 9 e 20 në qendrën e tij pranë Parkut Olimpik në Tiranë, i shoqëruar nga bashkëshortja e tij Ajola Xoxa.

Në mesazhin e tij për mediat Veliaj, i cili për herë të parë drejtoi një fushatë politike në këto zgjedhje, tha se vota e qytetarëve “është më e fortë se plumbat më e fortë se çdo lloj dhune tjetër”.

“Shqipëria nuk do dhunën, sherrin zhurmën do familjen e sot kemi një mundësi ta përfundojmë mirë gjithë historinë e zgjedhjeve.

Duhet ta trajtojmë si me qenë ditë feste, si dita e verës. Nëse na kanë lodhur plumbat, e zhurmat e rrëmija vetëm me një votë kemi mundësi ti fashisim këto nga historia e të ecim përpara, kështu që shpresoj që të gjithë ta kuptojmë që vota është më e fortë se plumbat më e fortë se çdo lloj dhune tjetër”, tha Veliaj.