Në seancën e fundit parlamentare për këtë sesion, kryetarja e Kuvendit, Lindita Nikolla, njoftoi largimin e saj nga posti për arsye shëndetësore. Deputetët e opozitës, përfshirë deputeten Albana Vokshi, u solidarizuan me Nikollën, duke shprehur mbështetjen e tyre.

Në fjalën e saj nga foltorja, deputetja Vokshi theksoi rëndësinë e shëndetit dhe familjes:
“Asgjë në botë nuk është më e rëndësishme se familja dhe shëndeti.”

Nikolla zgjodhi të japë lajmin e tërheqjes nga detyra në përfundim të sesionit, duke deklaruar se shëndeti i saj nuk i lejonte më vazhdimin në postin e kryetares së Kuvendit. Ajo theksoi gjithashtu se nuk dëshironte që vendimi i saj të bëhej objekt spekulimesh.